5 nəfəri özünə od vurub
28 января 2012 - Bölmə: Xəbərlər
Mərakeşin paytaxtı Rabatda ölkədəki işsizliyin sürətlə artması, iqtisadi problemlərin ağırlaşmasına etiraz edən nümayişçilərdən 5 nəfəri özünə od vurub.Hamısı işsiz olan bu şəxslərin ikisi dərhal söndürülsə də, 3 nəfər ağır yanıq xəsarətləri ilə xəstəxanalara aparılıb. Onların ikisi ölüm ayağındadır.
Rabat polisinin verdiyi məlumata görə, özlərini yandıranlar "İşsiz Universitet Məzunları" hərəkatının üzvləridir.
Hərəkatın 160 üzvü Mərakeşin Ali Təhsil Nazirliyinin binasını ələ keçirmişdi. Polis və hərbçilər binanı mühasirəyə alaraq, işsiz universitet tələbələrinə ərzaq və suyun verilməsinin qarşısını almışdı.
Məzunlardan 5 nəfər də binanın qarşısında nümayiş başlayanda çölə atılaraq aksiya iştirakçılarıa qatılıblar, sonra da özlərinə od vurublar.
Hörmətli Ziyarətçi sizin saytda hesabınız yoxdur! Saytda Qeydiyyatdan keçərək bütün imkanlardan tam şəkildə yararlanın.